قصيدة ( أحب مالي عيوني .. وانت تسواها ) لطلال الرشيد

عنوان القصيدة ( أحب مالي عيوني .. وانت تسواها )



ما قلت احبك ..ولا قد قلت ما حبك ..

أحب مالي عيوني .. وانت تسـواها ..

لو تدري شكثر تعني لي .. تعرف انك ..

آخر أمل في حياتي واول منــــاها ..

يا كثــر أحس ان بك مني وبي منك ..

روح قسمها على جسمين مــولاها ..

لا تقول شتحب فيني أعشقك كلك ..

من ليل شعــرك لشمسك وآخر اقصاها ..

سميتني نصفك الثاني وأنا خلـــك ..

وأنا بسميك كلي.. وانت معنــاها ..

تعبت اوديك له يا قلــب .. ويـردك ..

لاخذ حلومي .. ولا خــلاني أنساها ..

كل الحمــام استراح وناح في ظلك ..

والورد الأصفر سقته الروح من مــاها ..

ليتك بعـيني ثلاث أشخــاص أو كنــك ..

واحد بجنبــي.. وواحد روحي يمــلاها ..

والثالث بجفن عيني لا فقــد حســك ..

أو غمض الجفن.. جاني فيك يتباهى ..

مو بس أحبك .. أنا والله من حبــك ..

أحب حتى ثــرى الارض اللي تاطها ..


رحمك الله يا طـــلال الرشيد .. وغفر لك

تشكر عزيزي بارك الله فيك